Madaxweynaha Dowladda Punland oo Kormeer shaqo ku tagey Xarunta W/Maaliyadda ee Garoowe[Sawirro]

GAROOWE – Madaxweynaha Dowladda Puntland Mudane Siciid Cabdullaahi Deni ayaa maanta kormeer shaqo ku tegay xarunta dhexe ee Wasaaradda Maaliyadda Dowladda Puntland, halkaasi oo ay kusoo dhoweeyeen Madaxda Wasaaradda oo uu hoggaaminayo Wasiirka Wasaaradda Maaliyadda  Mudane Maxamed Cabdiraxmaan Dhabancad.

Madaxweynaha ayaa  warbixin ka dhegaystay mas’uuliyiinta Wasaaradda, waxana ay  Madaxweynaha la wadaageen  shaqada socota ee Wasaaradda Maaliyadda.

Ugu dambayn Madaxweynaha ayaa mas’uuliyiinta faray in la xoojiyo kor u qaadista dakhliga iyada oo  la dardar gelinayo Cashuuraha si bulshada wax loogu qabto.

Baahintii

Xafiiska Wacyi-gelinta Iyo Warfaafinta Wasaaradda Maaliyadda Dowladda Puntland