Golaha Wakiilada Puntland oo Ansixiyay Miisaaniyadda sannadka 2022-ka( Sawirro)

November 19, 2021 in Warka

GAROOWE – Xildhibaanada Golaha Wakiilaada Dowladda Puntland ayaa fadhigii 12-aad ee Kalfadhiga 49-aad ee Golaha Wakiilada DPL ku yeeshay magaalada Garoowe ee caasimada Puntland.

Golaha Wakiilada Dowladda Puntland fadhigooda waxa shir guddoominayay Guddoomiyaha Golaha Wakiilada Puntland Mudane Cabdirashiid Yuusuf Jibriil oo ay weheliyeen Guddoomiye Kuxigeenadiisa.

Fadhiga oo ay goobjoog ka ahaayeen 45 Xildhibaan ayaa Goluhu warbixin kaga dhageystay Guddiga Dhaqaalaha iyo Xisaabaadka Golaha Wakiilada Dowladda Puntland oo gacanta ku hayay Miisaaniyadda sannadka 2022-ka, taasoo Guddigu akhrinta 2aad ku sameeyay.

Dooda odoroska Miisaaniyadda sannadka 2022-ka ee Golaha la horkeenay waxay dhan tahay $354,093,039.

Dood iyo Falanqeyn kadib , Xildhibaanada Golaha Wakiilada Dowladda Puntland ayaa cod aqlabiyad ah ku ansixiyay Miisaaniyadda Puntland ee sannadka 2022-ka, waxaana horay Miisaaniyadda usoo ansixiyay Golaha Wasiirada Dowladda Puntland.

Baahnitii